Museoan Higinio Basterra Berastegi (1876-1957) eskultoreak egindako busto baten lagapena jaso dugu. Bilbon jaio zen, baina Plentziako bizilaguna zen (Juana de Arana Garay plentzitarrarekin ezkondu zen) eta hemen izan zuen estudioa.
Bilbon, Parisen eta Italian ikasi zuen. Bere eskulturetan gai sozial eta kostunbrista (langile eta meatzari taldeak, kirol autoktonoak), hil eskulturak eta enkargu asko agertzen dira.
Gerra Zibilean, bere ideologia nazionalistagatik atxilotu zuten. Kartzelan, bere espetxeko kideen marrazkiak egin zituen. Adibidez, Pedro Gorigolzarri kapitainaren marrazkia (museoan ere badugu). Bilboko Berreginen Museoaren sortzaileetako bat izan zen.
Beste eskultura batzuk ikus ditzakegu Plentziako eta Barrikako hilerrietan, Bilboko eraikinetan eta Madrilgo BBVAren eraikin zaharraren teilatuan dagoen kuadriga izugarria.